...eru hljóðin sem hljóma með hléum úr íbúðinni minni. Elsku litli er búinn að vera brjálaður síðan aðfararnótt miðvikudags af kvölum. Þvílíkt og annað eins. Við þekkjum ekki barnið. Litla skinnið er að hvíla sig á sjálfum sér og sefur eins og steinn en rumskar öðru hverju með sorgarkveinum. Ég svaf nánast ekkert í gær en náði blundi í morgun. Ju hvað það var góður svefn. Ég veit ekki hvort ég át eitthvað ógeðslegt, en sá grunur læðist að mér, eða hann sé með sömu pest og ég. Fékk einhverja fjandans kviðverki með drullu og tilheyrandi. Úff fyrr má nú aldeilis. Hef ekki tekist að plata snuði í drenginn. Það sem veldur mér hins vegar áhyggjum er að hann drekkur ekki mikið og tekur annað brjóstið illa. Ég ætla að pumpa jullurnar aðeins svo Mjólkurbú Skruddumanna fari ekki á hausinn.
Það var mjög merkileg frétt Fréttablaðinu frá því á sunnudaginn. Tveir hundar drápu eiganda sinn sem var 74 gömul kona og á eftirlaunum. Ég er að velta því fyrir mér hversu alvarlega maður eigi að taka þessari frétt. Ekki nóg með að eigandinn hafi verið gömul kona heldur var hún á eftirlaunum líka! Helvítis hundarnir. Vissu þeir þett'ekki?!
Löggan skaut annan hundinn í sjálfsvörn...atburðinum er lýst eins og góðum Gary Larson brandara.
